Премиерот Христијан Мицкоски во Минхен оствари средба со претседателот на Украина, Володимир Зеленски.
Како што објави на социјалните мрежи, на средбата се разговарало за актуелните безбедносни предизвици во Европа, за потребата од единство и солидарност, но пред сè за постигнување праведен мир.
„Веруваме дека мирот мора да биде изграден врз правда и почитување на достоинството на народите. Само таков мир носи стабилност и сигурна иднина за Европа“, наведува Мицкоски во објавата.
Двајцата соговорници разговарале и за продлабочување на билатералната соработка, економската размена и заемната поддршка во процесите на напредок на државите.
Премиерот потенцира дека напредокот е можен кога постои визија, храброст и јасна определба, додавајќи дека Македонија ќе продолжи да биде глас на разумот, партнер на стабилноста и поддржувач на праведниот мир.
Целата објава може да ја погледнете на следниот линк, а видеото на следниот линк:
