Вештачката интелигенција го трансформира пазарот на трудот, а работниците ќе мора да стекнуваат нови знаења и алатки за да можат да бидат конкурентни. Ова го изјави министерот за информатичко општество, Стефан Андоновски.
За да се одговори на новите трендови, од денеска па во наредните три дена, триесеттина истражувачи од осум европски универзитети, заедно со колегите од Универзитет „Гоце Делчев“ – Штип, ќе работат на развој на истражувачки проекти од областа на вештачката интелигенција.
„Сите овие активности би требало да резултираат со многу нови, детални проекти со кои ќе аплицираме во рамки на европските програми“, изјави проф. Дејан Мираковски, ректор на УГД – Штип.
„Целта е да се умрежат, да соработуваат меѓу себе и да помогнат во понатамошниот развој на општеството“, изјави Сангита Ратнаике од Универзитетската европска алијанса.
Вештачката интелигенција е предизвик што го носи модерното време, а со навремена едукација и правилна имплементација таа може да донесе развој и отворање на нови можности на пазарот на трудот.