Со засадување на триесет дрвца учениците од државното училиште за деца со оштетен вид го започнаа проектот еко училница. Тоа ќе биде нов простор на отворено за учење и истражување. Идејата за овој проект дошла од самите учници и нивните наставници.
Садниците ги обезбеди Јавното претпријатие Македонски шуми. Оттаму велат дека се секогаш расположени да поддршат вакви еколошки идеи.
Веќе од септември, со почетокот на новата школска година, ќе може да се изевдува настава во природа и тоа во самиот училишен двор. Наставниците велат дека ова е особено важно за предметите како природни науки и биологија.
Давид Крстевски
