Крвав инцидент во Дучанџик. Двајца на мотор пукале во движење кон група од повеќе луѓе и избегале. Убиен е 26-годишник.
Според пријавата која синоќа, пред полноќ, стигнала до полицијата, повеќемина стоеле пред излог на фирма, во близина на раскрсницата меѓу улиците „Прохор Пчински“ и „Војдан Чернодрински“.
Во еден момент застанал мотоцикл на кој имало две лица, кои почнале да пукаат кон групата, по што се дале во бегство. Еден од проектилите го погодил 26-годишниот скопјанец, кој веднаш бил пренесен на скопските клиники, каде што починал.
Полицијата презема мерки за расчистување на случајот.
Според неофицијалните информации, убиството е пресметка меѓу криминални групи поврзани со трговија со дрога, но засега нема официјална потврда за ова.
