Домашното овошје и зеленчук ќе бидат најзастапени во владината математика за просечната потрошувачка кошничка. Министерството за земјоделство изработи посебен календар според кој сезонските производи ќе се пресметуваат во периодот кога се одгледуваат. Министерот за земјоделство вели дека листата на овошје и зеленчук која треба да влезе во кошничката е долга. Од Министерството за економија веќе кажа дека кошничката е готова и формирана врз база на податоците од Државниот завод за статистика. За предлогот ќе има консултации со синдикатите и потрошувачите, а конечната верзија ќе биде презентирана на јавноста откако ќе добие зелено светло од Економско-социјалниот совет.
