Тргнува возот од Скопје за Куманово. Ќе се патува 41 минута, а возот ќе сообраќа двапати дневно. Во одредени делови од денот, возот ќе сообраќа и до Бељаковце, а кога ќе биде завршена пругата, и до Крива Паланка.Според вицепремиерот и министер за транспорт Александар Николоски ова е само почеток на добрите времиња за железничкиот сообраќај во Македонија.
„Денеска тргнува првиот воз од Скопје за Куманово, тоа го ветивме на отварањето на железничката прга Куманово-Бељаковце, и еве од денеска е вистина. Во 16:30 часот ќе тргне првиот воз од Скопје за Куманово, патувањето ќе трае 41 минута, двапати дневно ќе оперира, наутро во 06:30 ќе тргнува од Куманово, за да можат сите оние кои им е потребно за да дојдат во главниот град, дали е за работа, дали е за други потреби кои што ги имаат и истиот воз во 16:30 ќе се враќа назад кон Куманово и секако во обратна насока кон Скопје,“ изјави вицепремиерот Николоски.
Николоски најави дека се планирани да се вратат во функција и таканаречените „градски возови“ до Тетово и Гостивар, а амбиција е да се врати и железничката линија до Кичево.
„Наша заедничка амбиција е во следниот период овие јас ги нарекувам градски возови бидејќи се работи за дистанци кои не се големи, да пуштиме градски возови до Тетово и до Гостивар. Секако амбиција е да се врати целата линија до Кичево, а понатаму до Штип и до Кочани. Тоа е следната амбиција за која се надевам за брзо ќе ве поканиме тука“, истакна Николоски.
Од црна слика и загубар Железница ќе стане подобро место за услуги на граѓаните и подобро место за работа уверува директорот на претпријатието.
Десетици години железничкиот транспорт беше во колапс, од Министерството за транспорт заедно со двете претпријатија Железници транспорт и Железници инфраструктура минатата година работеа на стабилизирање на финансиската состојба на Македонски Железници кои со години важат за загубар, а се работат и проекти за унапредување на железничкиот сообраќај и инфраструктира. После 30 години конечно помина и воз на пругата Куаново Бељаковце со што се заврши првата фаза кон Бугарија. Проектот чини 78 милиони евра. Дел од парите се обезбедени од Европската унија, а во изградбата учествувале и компании од Италија, Словенија, Австрија.