Трамп го моли Путин за прекин на огнот врз Киев, Кремљ молчи

Американскиот претседател Доналд Трамп изјави дека неговиот руски колега Владимир Путин се согласил Русија да не го напаѓа главниот град – Киев и другите градови во Украина, поради рекордно студеното време. Температурата во Киев е под нулата, а следната недела се очекува студен бран со температури до минус 20 степени. Американскиот претседател најави голем напредок во трилатералните мировни преговори, во кои учествуваат двете страни во конфликтот и САД.