Реализираните реформи и активностите на институциите поврзани со спроведувањето на Реформската агенда 2024–2027 биле во фокусот на разговорите на средбата на заменик министерката за европски прашања, Викторија Трајков, со заменик-шефот на Мисијата на Амбасадата на Сојузна Република Германија Јан-Аксел Фос и Кевин Мас од политичкиот оддел на Амбасадата.
Како што соопштија од Минисстерството за европски прашања, заменик-министерката ги презентирала досегашните активности и постигнатите резултати во реформскиот процес, како и приоритетите за наредниот период, нагласувајќи дека реформите се насочени кон создавање поефикасни, транспарентни и одговорни институции.
-На средбата беше разговарано и за можностите за понатамошна соработка и размена на германските искуства и експертиза во областите опфатени со Реформската агенда. Трајков ја истакна важноста на континуираната поддршка од Сојузна Република Германија за реформскиот процес и европската перспектива на нашата држава, стои во соопштението.
