Заменик-министерката за европски прашања, Викторија Трајков, и директорот на Агенцијата за финансиска поддршка во земјоделството и руралниот развој, Илија Стоилев, денеска престојуваа во Демир Хисар, каде остварија средба со градоначалникот Никола Најдовски.
Фокус на европските фондови и земјоделството
На средбата се разговараше за можностите за поефикасно искористување на средствата од европските фондови, како и за унапредување на капацитетите на општината во тој правец. Посебен акцент беше ставен на проектите поврзани со земјоделството, поддршката преку ИПАРД програмата, и развојот на локалната инфраструктура.
Посета на успешен ИПАРД корисник
Во рамки на посетата, делегацијата ја посети компанијата „Ксенос“, која користи средства од ИПАРД програмата и има добиено финансиска поддршка во износ од 13 милиони денари.
Поддршка од Министерството за европски прашања
Министерството истакна дека останува посветено на поддршка на општините низ државата со насоки и мотивација за користење на достапните средства од ЕУ фондовите.
