Катастрофален и трагичен пожар избувнал во диско клуб во Кочани, околу 3 часот по полноќ. Има загинато и повредени, засега не се соопштуваат бројки.
Неофицијално, полицијата ги приведува на информативен разговор сите кои на било кој начин се поврзани со организирање на настанот.
Сите надлежни служби, вклучително и јавен обвинител од Основното јавно обвинителство Кочани се на терен.
„Бројот на жртви и повредени се утврдува. Се уште се преземаат дејствија и се врши увид. Јавниот обвинител, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување” соопшти Обвинителството.
