Традиционалната манифестација „Пивтијада“ денеска ќе се одржува на плоштадот во населбата Автокоманда во општина Гази Баба.
– Со хуманитарен, натпреварувачки и забавен карактер „Пивтијадата“ повторно ги обединува граѓаните во духот на солидарноста и традицијата. Ќе се продаваат пивтии, а сите собрани средства ќе бидат донирани на Клиниката за детски болести. Повик до сите граѓани – дојдете да бидеме хумани, да се дружиме и да уживаме со убава музика!, објави на Фејсбук градоначалникот на општина Гази Баба Бобан Стефковски.
Во натпреварувачкиот дел ќе се избираат најубаво украсените пивтии, а по оценувањето од стручна комисија најдобрите три ќе бидат наградени.
Во забавниот дел ќе настапат: Миле Кузмановски, Давид Темелков, Даниела Темелковска и Ансамблот „Јонче Христовски“.