Наместо да го штитат законот и да гарантираат безбедност, тие го кршеле кај ќе стигнат. Најмалку 50-тина полицајци завршија како тие што треба да ги ловат – како ситни криминалци.
Од злоупотреба на службената положба, до несовесно работење и оддавање на службени тајни, па и неплаќање на патарина– за само нецели пет месеци двоциефриен е бројот на полицајци кои може да завршат зад решетки. Последни се 15-те високо позиционирани во МВР, кои незаконски издавале дозволи за поседување оружје, а истрагата може и да го зголеми бројот на службеници кои ги заобиколуваат правилата за да се здобијат со некаква корист најчесто кеш.
Од статистиката на МВР, во пориод од јули до почетокот на ноември, поднесени биле 15 пријави за 16 кривични дела.
- „Поднесени 15 кривични пријави против 33 вработени во МВР, за сторени 16 кривични дела, од кои три кривични дела ,,злоупотреба на службената положба и овластување“, четири кривични дела „предизвикување на општа опасност“ и по едно кривично дело „примање поткуп“, „убивање и мачење животни“, „загрозување на сигурноста“, „спречување службено лице во вршење службено дејствие“, „Обљуба со злоупотреба на положбата“, „неизвршување на судска одлука“, „Кражба на електрична енергија, топлинска енергија или природен гас“, „повреда на правата од работен однос“ и „несовесно работење во службата““ велат од МВР.
Пред само две недели беа фатени и двајцата сега пензионирани инспектори за имотни деликти кои на групата од Грчец и откривале за акциите и апсењата кои ги планира МВР, а за тоа дебело биле наградувани со станови, коли и кеш. Картелот засилен со двајца вработени во МВР, успеале да заташкаат дури пет претмети меѓу кои и акцијата „Планина“ во која главните од групата Дуќанџик им избегаа на органите на прогонот. Министерот Тошковски најави дека истрагата за Грчец ќе се шири, а така ќе биде и за службениците од МВР кои ги кршат законите.
Таков беше кочанскиот началник во МВР кој со легитимација во повеќе наврати помивал низ патарини без да плати. Пред него, фатени беа и 12 полицајци кои организирани со уште 6 вработени во државните патарини, без да платат поминале 959 на наплатната станица Романовце. Има и такви кои кривично ќе одговараат за примање мито за да не напишат казна, издавале државјанство за луѓе кои не се во Македонија, а и полицаец кој ги љупел граѓаните за да им плати административна такса.
Од МВР уверуваат дека сите кои ќе бидат фатени како ги прекршува законите ќе се сноси и со дисциплинска или суспензија.
