Министерот за внатрешни работи Панче Тошковски утрово беше во Трново, каде присуствуваше на традиционалната Семакедонска средба по повод празникот Илинден.
Во објава на „Фејсбук“, Тошковски истакна дека Илинден е симбол на стремежот на македонскиот народ да биде свој на своето и повика минатото да се доживее како инспирација, а не како изгубено време.
„Да ја претвориме жртвата на нашите предци во сила што нè носи напред. Денес, од Трново, испраќаме порака на самодоверба – дека сме способни, дека сме обединети, дека можеме и дека сакаме. Не за да бидеме против некого, туку за да бидеме за себе, за Македонија,“ напиша министерот.
Тошковски им го честиташе празникот на граѓаните со порака:
„Да ни е честит празникот! Да е вечна Македонија!“
Фотографиите може да ги погледнете на следниот линк:
