Министерот за внатрешни работи Панче Тошковски потврди дека во пожарот во дискотеката „Пулс“ во Кочани досега има 51 загинат, а има и стотина повредени.
Алфа дознава дека МВР ги повикува на информативен разговор сите кои на каков било начин се поврзани со организацијата на концертот.
Сите надлежни служби, вклучително и јавен обвинител од Основното јавно обвинителство Кочани се на терен.
„Бројот на жртви и повредени се утврдува. Се уште се преземаат дејствија и се врши увид. Јавниот обвинител, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување” соопшти Обвинителството.
