– Тоше Стојанов од денеска официјално ја презеде функцијата началник на ОВР Кочани, откако беше назначен од министерот за внатрешни работи Панче Тошковски.
Стојанов доаѓа на највисоката раководна позиција во Одделението за внатрешни работи – Кочани со повеќе од десет години професионално искуство во полициските структури.
Во текот на својата кариера, тој работел во специјализирани полициски единици, каде стекнал значајно оперативно искуство, особено во делот на безбедносните предизвици и справувањето со организиран криминал.
Посебен акцент во неговото досегашно работење е ангажманот како инспектор за сузбивање на недозволена трговија со дрога, област во која има реализирано повеќе активности насочени кон откривање и спречување на криминални мрежи.
Функцијата началник на ОВР – Кочани претставува највисока раководна позиција во рамки на оваа институција, со одговорност за координација на безбедносните активности и одржување на јавниот ред и мир на локално ниво.
Стоајнов пред да дојде на функцијата началник, во месец февруари годинава беше назначен за началник на надворешната канцеларија за криминалистички работи при ОВР-Кочани.
