Снимка каде што се гледа физичка пресметка помеѓу две лица, од кои едното држи секира, беше објавена од случајни минувачи. Според неофицијални информации, инцидентот се случил синоќа во центарот на Струмица, а видеото прикажува како вербална расправија преминува во турканица и отворена тепачка на улица, ова се гледа на фб струмица он лајн.
Видеото може да го погледнете на следниот линк:
На видеото се гледа дека едно од лицата замавнува со секира, додека друго возвраќа физички, а во обид да ги раздвои се вмешува и жена која се наоѓала меѓу нив. Ситуацијата ескалира, по што граѓаните што снимале решаваат да се тргнат, стравувајќи за сопствената безбедност.
Покрај снимката, на социјалните мрежи се појавија и коментари кои тврдат дека овој инцидент е кулминација на долгогодишен проблем, поврзан со лица кои агресивно просат во центарот на градот, вознемируваат минувачи и вклучуваат деца во собирање пари.
Во моментот не е познато дали случајот е пријавен во полиција, ниту дали надлежните институции презеле мерки.
Граѓаните бараат поголема безбедност и надзор во централното градско подрачје.
