Лични интереси и фрустрации, а не подобри услови за работа биле причина за хаосот во Македонска Навигација кој се заканува да прерасне со штрајк на контропкорите на летање. Адвокатот на компанијата јавно предупредува дека синдикатот незаконски продолжува да притиска и да се заканува и покрај одлуката на судот дека најавениот штрајк е незаконски. Адвокатот Николоски вели дека причините за организирање на штрајкот апсолутно се нејасни за Управниот одбор на М-НАВ и вработените.Го обвини претседателот на Синдикатот Александар Тасевски дека ова е обид за негова лична одмазда.
“Барањето за забрана на штрајк се однесува за точно најавен штрајк, со точно определени датуми и планови и програми за делување. Станува збор за целосна забрана на штрајк, кој е незаконски, а М – НАВ не побарал забрана на синдикално делувањето и на сите идни штрајкови. Веруваме дека станува збор за негова лична одмазда. И пред најавувањето на штрајот на прес-конференции сееше страв во јавноста дека ќе ни паѓаат авиони дека Македонија ќе биде центар на авионски несреќи”, вели Горан Николоски адвокат на М НАВ А.Д.
Синдикалците пак велат дека законски постапиле и имале право на штрајк. Тасевски е дециден дека Синдикатот на контролори на летање нема да отстапи од барањата.
Причините за најавениот штрајк во М-НАВ, според синдикатот, се низа на неисполнети ветувања, особено спроведувањето на нова функционална анализа која би прецизирала што е потребно од системи во навигацијата, како и какви вработувања се неопходни, наспроти, како што кажаа, партиските, бидејќи на М-НАВ му треба квалитетен кадар.
Од менаџментот пак посочија дека побараното е исполнето и дека работите се движат според барањата на синдикатот.