Пратеничката на ВМРО-ДПМНЕ, Бети Стаменкоска Трајкоска, остро реагираше на поднесената интерпелација против министерот за внатрешни работи Панче Тошковски, иницирана од партијата Левица. Таа ја обвини Левица за политички профитеризам и истакна дека нивниот претседател, Димитар Апасиев, прв ја напуштил дебатата за интерпелацијата.
– Бараат политичка одговорност без да се почека завршување на институционалната истрага. Бараат оставки за да спречат инспекциски надзор, внатрешни контроли и дисциплински постапки. Бараат правда да нема! Но, правда ќе има, тоа е сигурно! Нека почнат да го бараат Димче – него го нема, изјави Стаменкоска Трајкоска од собраниската говорница.
