Спогодбата на врховниот судија Наќе Георгиев и членот на Советот на јавни обвинители Иџет Мемети со Обвинителството, „најматни“ настани за август според месечниот извештај на „Транспаренси.
„Врховниот судија Наќе Георгиев се спогоди со Основното јавно обвинителство за гонење на организиран криминал и корупција во врска со случајот за земање мито од синот на ексградончалникот на Ново Село, Боро Стојчев и прифати да му биде изречена казна затвор во траење од три години, како и Забрана за вршење професија, дејност или должност на службено лице во период од три години. Во истиот случај, спогодба со Обвинителството склучи и членот на Советот на јавни обвинители Иџет Мемети, кој доби една година затвор условно и истата Забрана за вршење професија, дејност или должност на службено лице во период од три години“, наведуваат од Траспаренси.
Како втор „најматен“ настан за јули е и уште една спогодба со Обвинителството, овој пат на поранешниот народен правобранител и член на советот на јавни обвинители Иџет Мемети.
„Иџет Мемети признал вина за примање награда за противзаконито влијание и се спогодил со Основното јавно обвинителство за гонење на организиран криминал и корупција за условна казна. Мемети доби и забрана за вршење на дејноста во наредните три години. Тој до Собранието поднел неотповиклива оставка како член на Советот на јавни обвинители“ стои во извештајот на Транспаренси кој секој месец издвојуваат т.н. матни настани кои според нив оставиле сомнеж криминал и корупција.
