🎥 Состојбата на јавниот тоалет во градскиот парк

 – Ова не е сцена од хорор филм, ова е јавниот тоалет во градскиот парк во Скопје. Тука затекнавме нечистотија, отпадоци и пајажини кои висеа насекаде. Луѓето од локалниот бар ни рекоа дека овој тоалет е во надлежност на град Скопје но никој не води грижа за неговата чистота.

Но, не е проблем само очајната состојба. Во градскиот парк има само два, а уште еден има под мостот Гоце Делчев. Во град со над 600 илјади жители ова се единствените јавни тоалети.

• Состојбата на јавните тоалети е многу лоша. Мене ми е срам да им кажам на гостите каде е јавниот тоалет.
• Јавните тоалети се за никаде. Јас пеесет години шетам во парков и состојбата никогаш не била полоша.
• Стенд ап.
• Можеби би било подобро да има тои тои тоалети, рекоа тие, но на жалост никој не води грижа.

За одржувањето на тоалетите одговорно е јавното претпријатие „Паркови и зеленило“. Алфа побара став и оттаму и од Град Скопје, но наидовме на молк и од двете институции.

Градоначалничката Данела Арсовска во предизборната програма вети изградба и на нови јавни тоалети, но не само што тоа не се случи, туку и веќе постоечки си останаа во ваква очајна состојба.

Новинар Кристијан Ниновски