Нулта толеранција за корупцијата, а поддршка за граѓаните кои ќе пријавуваат коруптивни дела – МВР преку дигитализација ќе се бори и против корупцијата во своите редови но и во сите институции. Во план е да се стави во функција веб страница преку која граѓаните ќе можат анонимно да пријавуваат, но директорот на БЈБ, Александар Јанев вели дека имаат и механизам како да се препознаваат лажни пријави.
- „Корупцијата е двосмерна. Може да има некој што ќе бара, но доколку нема некој што ќе дава, тогаш поедноставно ја сузбиваме. Тој е едниот сегмент и вториот сегмент, во МВР интензивно работиме на дигитализцијата. На интерните процедури и внатрешната комуникација, каде што нема да се плаши полицискиот службеник кога ќе напише одредена информација против некој негов надреден, локален или регионален моќник, или државен моќник“ рече Александар Јанев – Директор на БЈБ.
Мојца Кузмички, експерт за антикорупција и перење пари, смета дека кампањата „Нула корупција – ајде да е вистина“ освен што ќе придонесе за подигање на свеста ќе влијае и во градењето доверба во институциите.
- „Само преку соработка на граѓаните, органите за спроведување на законот и граѓанското општество можеме да изградиме потранспарентна, поправедна и доверлива држава. Со денешниот настан отвораме ново поглавје во кое секој поединец е дел од решението,“ нагласи таа..
МВР веќе ја започна дигитализацијата на граничните премини кој ги смести криминалците зад решетки. Ситемот „Оne stop“ веќе функционира на границите кон Косово, а помогнал бегалци од правдата да бидат фатени. На ист начин ќе функционираат граничните премини кон Србија.
- „Во контекст на дигитализацијата можам да кажам дека бројките се солидни во начинот на тоа што откриваме на граничните премини, колку лица се детектирани по потерници и изведени пред лицето на правдата, нешто што не беше случај пред два месеца“ – рече Јанев.
„One Stop“ веќе функционира на Блаце и на Јажинце. Откако ќе се реализира и на граничните премин со па ќе следува имплементација и со Албанија.
