Реклама

Охрид сè уште без современа автобуска станица, се бара ново решение на локација на компанијата „Галеб“

Воскреснување на МЖ Транспорт: Преполовени долгови и нови инвестиции во македонската железница

Кралската гробница кај Бонче: сведоштво за античкото минато со огромен потенцијал

По две години заврши конзервацијата на 20 украдени македонски икони

Дом за младите без трошоци за комуналии – по Град Скопје и повеќето скопски општини подготвени да излезат во пресрет

Нова марионета во бугарскиот етер: Бегалката Ива Михаилова ја напаѓа Македонија во стилот на Пендиков

15-годишниот светски првак Марко Џорлев е најмладиот добитник на наградата „8 Ноември“ во Штип

12 милиони денари долг во охридскиот студентски дом, ревизија и целосна реконструкција како спас за „Никола Карев“

Протест заради протест, триесетина присутни на протестот на Независниот синдикат на професионални војници

Прилепските пензионери и корисници на социјална помош денеска организирано во битолската Алта банка ги подигаа своите пари

Доверба во банкарскиот систем: граѓаните остануваат верни на банките во кои чуваат пари

По Гоце Делчев, Софија тргна да го бугаризира и Даме Груев

Македонија

Скопје ќе ја добие „Македонија“ – првата подземна сообраќајница

 По 13 години од првиот потпишан договор за изградба на подземната сообраќајница…

Сподели:
Фото: Алфа Вести

 По 13 години од првиот потпишан договор за изградба на подземната сообраќајница во Скопје, конечно потпишан и јавната набавка за реализација на првата фаза. Главниот град добива ново сообраќајно решение кое треба да го растовари метежот во централното градско подрачје.

Подземната сообраќајница ќе поминува под станбено-трговскиот комплекс „Лимак“.

Улица ќе биде долга 746 метри и широка 37 метри, ќе има по две сообраќајни ленти во двата правци и две за потребите на јавниот градски превоз. Дополнително, предвидени се и пешачки патеки.

Реклама

Во следната фаза ќе се гради кружен тек кај Нова Македонија  – главната крстосницата која води кон Клиничкиот центар.

„Како дел од новото сообраќајно решение е изградба и на два кружни тека на овој потег кај булевар Кочо Рацин и улица Железничка, што ќе ја намали гужвата и во овој дел од градот.“

Градските власти уверуваат дека со подземната сообраќајница скопјани ќе добијат побезбеден и побрз проток, со паметни и современи решенија согласно европските стандарди. Граѓаните се надеваат дека за брзо време ќе се заврши проектот.

Договорот со турската компанија „Лимак“ беше потпишан на 12 март 2012 од тогашниот градоначалникот Коце Трајановски и инвеститорот требаше да ја изгради подземната улица.

Градежните активности почнаа шест години подоцна, во септември 2018. Тунелот е веќе изграден.

 Во кампањата за локалните избори 2021 тогашниот градоначалник Петре Шилегов ги промовираше проектите за кружните текови и тогаш рече дека по завршување на изборите ќе почнат постапките за нивна изградба.  Но ништо од тоа. И за време 4 годишниот мандат на  Данела Арсовска работите не мрднаа од мртва точка.

Орце Ѓорѓиевски  само седум дена по преземањето на градоначалничката функција ја стартува процедурата.

  • „По завршувањето на правната постапка, веднаш започнуваме со работа! Ова е проект што претставува вистински пресврт за централното градско подрачје, капитална инвестиција што ќе го растовари сообраќајниот метеж и ќе донесе нова динамика во срцето на градот… Ова значи дека сообраќајот ќе се одвива непречено, а центарот на градот ќе се ослободи од гужвите, станувајќи многу покомфорен, побезбеден и поуреден простор за сите“ напиша Ѓорѓиевски.

Проектот почнува со градење од крстосницата кај „Тутунски комбинат“ до влезот на подземната улица, а рокот за доставување понуди е до 15 декември.