Основниот кривичен суд во Скопје ѝ изрече казна од две години и шест месеци затвор на Гордана Филиповиќ за сообраќајната несреќа во која на пешачки премин кај МНТ во 2022 година беше прегазен Слободан Ангеловски. Со оваа одлука казната е намалена за шест месеци во однос на првичната пресуда од три години затвор.
Семејството на Ангеловски изрази разочараност од пресудата, оценувајќи дека казната е премногу ниска и под законскиот минимум за вакво дело. Тие се надеваат дека Јавното обвинителство ќе поднесе жалба на одлуката.
Претходно, Апелацискиот суд ја укина првата пресуда и предметот беше вратен на повторно судење. Случајот се однесува на несреќата што се случи на 26 јануари 2022 година во Скопје, кога Ангеловски беше прегазен на обележан пешачки премин.
