Државата има потреба од инженери, доктори и други стручни кадри, а тие секако очекуваат да бидат повеќе платени за да се вложат во државниот сектор и не би роботеле за 500 евра – велат од Конфедерацијата на слободни синдикати на Македонија. Според првиот човек, Ралповски потребно е да се покачат сите плати, не само минималецот. Најави дека наскоро на иста маса ќе седнат заедно со дел од работодавачите и ќе преговараат.
Според заменик министерот за економија Ристески, Владата нема проблем да спроведешто и да се договорат во врска со минималната плата – синдикатите и работодавачите.
Инаку, последната седница на економско-социјалниот совет заврши без договор за зголемување на минималната плата. Владата вели дека не е против раст на минималецот, но инсистира тој да биде економски оправдан. Премиерот Мицкоски истакна дека целта на Владата е да создаде посилна економија која отвора нови работни места и обезбедува достоинствен животен стандард за секој граѓанин.
Давид Крстевски
