Живко Митревски останува на ставот дека тој е легитимен претседател на Сојузот на синдикати на Македонија. Вели дека има судски пресуди кои покажувале дека неговото отказно решение било донесено спротивно на закон и со тоа Слободан Трендафилов не е легитимен прв синдикалец. Според Митревски , Трендафилов треба да се повлече од функцијата заради ваквите пресуди, па тој сега ја повикува Владата да интервенира.
Слободан Трендафилов беше избран на конгрес во јуни 2023 кога беше единствен пријавен кандидат. Тој вели дека изборот е направен согласно актите на ССМ, а Живко Митревски е сменат од позицијата во 2017 од членови на советот и делегати на конгресот кои докажале дека тој не бил достоен да ја врши функцијата. Тогаш бил одбран и друг претседател, а веродостојноста на процесите е дожана и пред судот.
Ваквите синдикални превирања се случуваат во момент кога работниците чекаат да го слушнат износот на минималецот кој што треба да се исплаќа од април. Митревски вели дека Трендафилов се согласил на лошата медотологија според која сега се пресметува минималецот, а според него требало да има друг модел на пресметка. Трендафилов возврати дека Митревски е оној кој воошто не се борел за работничките права
Инаку Владата ја утврди комисијата која треба да ја утврди репрезентативноста на синдикатот. Од ССМ апелираат што поскоро да заседава истата за да може да продолжи дијалогот помеѓу социјалните партнери во рамки на економско социјалниот совет.
