Претседателката Гордана Сиљановска – Давкова синоќа го прогласи за отворен Летниот европски младински олимписки фестивал и рече дека организацијата на ваков реномиран меѓународен спортски настан претставува голема чест за државата.
Според неа, 4.000 спортисти-учесници ја манифестираат убавата страна на сегашноста и ја гарантираат светлата иднина на европскиот и на светскиот спорт. За претседателката, ова не е само врвен спортски собир, туку симбол на младоста, генератор на заедништвото и солидарноста, креатор на европскиот културен и спортски дијалог.
Спортистите, како што рече, не се претставуваат само себеси и своите земји, туку промовираат и спортско витештво, пријателство и фер однос – и кога победуваат и кога губат. Сиљановска – Давкова ги охрабри младите да продолжат да го развиваат олимпискиот дух.
Летниот европски младински олимписки фестивал се одржува од 20 до 26 јули во Скопје и Куманово.
