Претседателката Гордана Сиљановска-Давкова денеска ги примила акредитивните писма на новоименуваниот амбасадор на Руската Федерација, Дмитриј Константинович Зиков.
Како што соопшти претседателскиот Кабинет, Сиљановска-Давкова изразила уверување дека дипломатските активности на амбасадорот ќе бидат насочени кон професионално застапување на интересите на Руската Федерација и на рускиот народ, во рамките на меѓународното право.
-За амбасадорот Зиков, претставувањето на неговата земја на македонско тло е висока мисија, стои во соопштението.
Тој изразил подготвеност од руска страна за отворена соработка и за воспоставување рамноправни и заемно корисни односи во име на просперитетот, благосостојбата и развојот.
-Посакувам доаѓањето на големиот христијански празник – Велигден, да означи крај на војните и почеток на нова ера на мир и благосостојба, посочила претседателката, додаваат од нејзиниот Кабинет.
