Кај двајца повозрасни пациенти од пензионрски домови е потврдена шуга. Минатиот месец биле пријавени вкупно 28 случаи, од кои најголем дел, 16 биле од Скопје.
Болеста е потврдена и кај ученик од Романовце, а тријца се сомнителни. Засега случаите не се меѓусебе поврзани.
„Шугата главно се појавува во социјално загрозени групи, како и во институции со повисок ризик за пренос, како што се училишта, домови за стари лица и други колективни средини“ велат од Институтот за јавно здравје и додаваат дека се посветени на превенција, рано откривање и едукација за оваа болест.
Најефикасен третман е ивермектин, кој е во недостиг, а алтернатива е перметринот. Симптомите се силен ноќен јадеж и кожни промени, најчесто меѓу прстите.
