Реклама

Извештајот на ЕК е јасен: Македонија одлична во реформите, проблемот е „наследството“ од СДСМ и ДУИ преточено во Бугари во Устав

Меѓу лидерите во реформите, блокирани кон ЕУ поради уставните измени прифатени од СДСМ и ДУИ

Над 500 пензионери подигнале пари од Алта банка, денеска исплата на социјална помош

Двајца во притвор, еден во ќукен, еден во бегство по вчерашната полициска акција во Куманово

Владата бара купувач за Алта банка – Мицкоски тврди дека банката е во одлична финансиска кондиција

Историски најголема разлика помеѓу извозот и увозот, во државата влегуваат повеќе девизи

Мицкоски: Граѓаните да бидат спокојни, до денар ќе си ги добијат своите пари

Дождовите ја спасија есенската сеидба на житото, земјоделците чекаат да се засуши земјата за да влезат во нивите

Граѓаните кои немаат платежни картички, а имаат сметки во „Алта банка“, од денеска можат да си ги подигнуваат парите

Град Скопје ги ослободува младите брачни парови од плаќање комуналии за изградба на куќа

Полициски специјалци во акција во Куманово – Се разбива организирана криминално-лихварска група

Хаос на европското небо – лажни дојави за бомби го пореметија авиосообраќајот

Македонија

Се зајакнува системот за следење на дрвната маса – собраниската Комисија за земјоделство ги разгледа предлог-измените на Законот за шуми

Собраниската Комисија за земјоделство, шумарство и водостопанство на денешната седница го разгледа,…

Сподели:
Фото: Алфа Вести

Собраниската Комисија за земјоделство, шумарство и водостопанство на денешната седница го разгледа, а потоа и го проследи на натамошна постапка Предлог-законот за изменување и дополнување на Законот за шумите. Предложениот текст е поднесен од група пратеници и досега за него не се поднесени амандмани.

Измените треба да овозможат целосно следење на движењето на дрвото и дрвната маса, низ сите фази на производствениот и дистрибутивниот процес, а целта е спречување на незаконската сеча, нелегалниот промет и злоупотребите во шумарскиот сектор. Предложените решенија предвидуваат и поедноставување на постапката за полагање на испитот за шумски полицаец, преку укинување на одредбите поврзани со електронското и техничкото спроведување на испитот.

Како што беше речено на седницата, предложените решенија се во насока на унапредување на правната сигурност, институционалната ефикасност и кадровскиот капацитет во шумарството.  

Реклама

-Со измените ќе има многу попрецизна законска рамка и оперативно функционирање за следење на дрвната маса. Инспекцискиот надзор ќе ги опфаќа сите процеси во ланецот на производствениот и дистрибутивниот процес. Ќе се постигне максимална контрола, а целта е конечно да се спречат сите злоупотреби во шумарскиот сектор. Се создаваат законски услови за целосно оперативно воспоставување и примена на Системот за следење на дрвна маса како интегриран подсистем на Шумарскиот информативен систем, кој е воспоставен и се води во Министерството за земјоделство. Со ова се обезбедува централизирано управување со податоците, јасно дефинирана надлежност и унапредување на ефикасноста и транспарентноста во постапките за следење на дрвото, дрвната маса и целиот ланец на производство, транспортот и прометот, истакна пратеникот Златко Пенков, кој е еден од предлагачите на законските измени.

Предложените законски решенија, дополни, ќе ја подобрат и координацијата меѓу надлежните институции, ќе обезбедат навремена и точна размена на податоци и ќе создадат предуслови за целосна дигитализација на постапките поврзани со управувањето, користењето и прометот на дрвото и дрвната маса.  

Се воспоставуваат и законски регулирани услови за прием и ангажирање лица од областа на шумарството – дипломирани шумарски инженери, насока шумарство, со цел стекнување потребно работно искуство. Јавното претпријатие „Национални шуми“ се утврдува како единствено претпријатие од областа на шумарството каде овие лица можат да стекнат практично работно искуство, што ќе придонесе кон системско оспособување на млад стручен кадар.  

Претседателот на Комисијата и пратеник од СДСМ, Љупчо Николовски, рече дека во предложениот текст има и добри, но и, како што нагласи, скандалозни решенија зашто за попрофесионална и поефикасна шумска полиција, критериумите, подвлече, мора да се засилуваат.

-Дали со ваквите решенија одиме кон професионализација или се враќаме назад? Не се согласувам за тестот на интегритет зашто ова се униформирани службени лица со посебни овластувања. Не е точно дека институциите не го издаваат, особено кога станува збор за морални и етички вредности на лица кои носат оружје. Нецелисходно е да се укине тестот за интегритет, а здравствени институции го издаваат, не е точно дека не го издаваат. Во однос на тестот, наместо да се засилуваат критериумите, се укинува електронското полагање во време на дигитализација, што е неразбирливо. Се образложува во предлог-законот дека се укинува „за да се прилагодиме на техничките можности“. Значи, техничките можности затаиле. Поборник сум колку што може повеќе процесите да бидат дигитализирани за да се минимизира човечкиот фактор. Нема да направиме професионализација на шумските полицајци ако го укинеме тестот за интегриртет или ако одиме чекор назад во однос на полагањето, нагласи Николовски.