Македонија добива нова директна авиолинија – од 31 октомври 2025 година, граѓаните повторно ќе можат да патуваат од Скопје до Ларнака, во Кипар. Ова е 11-тата нова авиолинија воведена за само десет месеци. Министерот Николоски, соопшти дека ја потпишал спогодбата за воведување на оваа дестинација и најави дека летовите кон Ларнака ќе се одвиваат преку целата година.
„Вчера го потпишав договорот за отворање на 11 нова линија откако е оваа влада значи за 10 месеци имаме 11 нови линии тоа е Ларнака, Кипар до Скопје ќе лета цела година, и во текот на цела година ќе операрира“, изјави Александар Николовски, министер за транспорт и врски.
Дополнително, Николоски најави дека авионската линија Базел – Охрид, која првично беше планирана за јануари 2026 година, ќе започне со работа четири месеци порано – во октомври 2025 година. Владината стратегија за привлекување нови авиокомпании кои оперираат од, и кон, Македонија значително го раздвижи авиосообраќајот и од двата аеродрома.
Добра вест е што допрва треба да има и нови авиолинии, а потенцијално и влез на уште еден реномиран нискобуџетен авиопревозник. Станува збор за „Рајанер“ со чие раководство Николоски веќе остварил и средба:
„Не е тајна дека имав средба лично со директорот на „Рајанер“, сакаме да ги донесеме во Македонија, за брзо време мислам дека ќе излеземе со добри вести и таму и секако Охрид е на мапата“, изјави, Александар Николовски, министер за транспорт и врски“, изјави Александар Николовски, министер за транспорт и врски.
Со новата дестинација се очекува зајакнување на туристичката и трговската размена со Кипар, како и поголема мобилност за македонските граѓани. Летовите за Барселона и Лион веќе се активни од мај, а до крајот на септември ќе стартува и линијата Скопје – Штутгарт. Наскоро се очекуваат и нови релации кон шпанското и италијанското крајбрежје, како и нови рути кон Прага и Мадрид.
Одложениот лет за Дубаи со „Флајдубаи“ е најавен повторно за есенските месеци…
Министерот Николоски најави и амбициозен план: Скопје да стане транзитна станица за прекуокеански летови, по Атина и Белград. Целта – директни летови кон Северна Америка.
Во наредните месеци ќе започне модернизација и на охридскиот аеродром „Св. Апостол Павле“. Во меѓувреме, од таму веќе оперира турската Туркиш Ерлајнс со директни летови кон Истанбул.
