По повеќе од две децении повторно ќе почне да функционира средното полициско училиште. Оние кои сакаат да работат во иднина како полицајци, прво ќе треба да поминат две години во средно училиште, а следните две во полициската академија, која ќе функционира во склоп на центарот за обуки во Идризово. Училиштето ќе започне со работа на 13 мај, а кандидатите ќе треба да исполнуваат повеќе услови, првенствено да се здравствено и психофизички подготвени, а ќе треба да поминат и безбедносна проверка. За познавачите законот е добар и само таков може да создаде професионалци во полицијата.
„Тоа Средно полициско училиште во рок од четири години знае да исфрли добар кадар и психофизички и со боречки вештини истренирани, затоа што едно е да учите боречки вештини шест месец и а друго четири години. Јас мислам дека со ова дејствие со отворањето на средното полициско училиште ќе се врати многу повеќе довербата на граѓаните во полицијата“, изјавиЉубомир Ѓурчевски, поранешниот началник и експерт за безбедност.
Околу двесте ученици ќе се примат во првата учебна година НА Полициска академија. Идните полицајци во училиштето ќе учат како да одговорат на современите безбедносни предизвици од класичен и организиран криминал, па се до новите форми на дигитални закани . Ќе се работи по наставни планови и програми утврдени од министерството за образование и наука во согласност со министерството за внатрешни работи.
„Во првите две години покрај општите предмети задолжиотелна е хемијата и биологијата заради криминалиситчката трехника која ќе се изучува во трета и четврта година, нормално криминалистичките науки, тактиката, методологијата во откривање на кривичните дела по области, кривичното право, казненото процесно право, односно законот за кривична постапка, прекршочното право, управното право“, изјави Љубомир Ѓурчевски, поранешниот началник и експерт за безбедност.
Досега полицаец можеше да се стане со завршено средно образование и курс кој трае од шест до девет месеци. Последната генерација (24-та) во Средното полициско училиште завршила во 2000 година, а со примената на ова законско решение ќе се продолжи со 25-та генерација ученици во Средното полициско училиште.
