Пет нови случаи на Западно-нилска треска- информираат за Алфа од Центарот за јавно здравје. Со ова бројката на заболени се искачи на 30 и еден починат пациент. Засилување на мерките е најдобриот начин за превенција од Западно-нилска треска. Епидемиолозите го поздравуваат потегот на надлежните што прогласија епидемија и советуваат на зголемена внимателност кај граѓаните. Советите се посебно да се внимава, да се користатзаштитни средства против комарци, да се носи облека со долги ракави, ако е можно да се стави мрежи на прозорците и вратите и да не се дозволува во дворовите да има застоена вода. Причина за загриженост велат дека нема:
– Добро е што се прогласи епидемија на некои територии да може едноставно да можеме да го интензивираме мерките, кога веќе имате повишено ниво на активности тоа си бара одговорност на институциите но и одговорност и на граѓанитесами да си бидат одговорни за своето здравје–истакна епидемиологот др. Сашко Олумчев.
Бројката на заразени за прв пат е толку голема. Епидемиолозите не исклучуваат нови случаи, но се надеваат дека тие нема да биат со тешки симпроми. Како ќе се смирува летото ќе се намалат и бројките на заразени.
– Нема причина за загрижност, меѓутоа заттоа што веќе сезоната ќе биде и при крај. Тоа што е веќе заразено е заразено, ќе има секако уште случаи и тоа не може туку така да настане прекин на самата епидемска крива затоа што сепак иимаме доста единки на овие комарци, Имаме застоени води насекаде таму бидејќи многу интензивно и многу брзо се множат–истакна епидемиологот др. Сашко Олумчев.
Надлежните неколкупати досега извршија авионска и земјена дезинфекција, а допрва ќе има и вонредна. Западно нилската треска е вирусно заболување кое се добива со каснување од заразен комарец. Симптомите се главоболка, треска, висока температура, вкочанет врат, дезориентираност. Периодот на инкубација е од 3 до 14 дена. 80% од инфекциите кај луѓето поминуваат без симптоми а останатите 20% најчесто се манифестираат како треска која поминува сама од себе, а помалку од 1% од инфекциите се со тешка клиничка слика и тешка инфекција на мозочната обвивка.
