Помалку прекршоци, поголема безбедност и значително помал број поплаки. Системот „Сејф Сити“ веќе дава резултати и ги менува навиките на возачите. Драстично опаѓа бројот на граѓани и фирми кои поднесуваат приговори за сообраќајни прекршоци.Според Основниот кривичен суд Скопје, во март биле поднесени само 65 приговори.
“Претходниот месец до судот се поднесени вкупно 65 приговори, од кои 22 од правни лица и 43 од физички лица, за разлика од 476 приговори, поднесени во февруари кога стартуваше со казни системот.Од судот посочуваат дека 16 судии од Одделот за прекршоци навремено постапуваат по поплаките на возачите, а досега се решени 92 предмети” – велат од Кривичниот суд.
Преку системот „Безбеден град“ во март биле констатирани 26.241 сообраќаен прекршок, што е зголемување во однос на февруари кога биле регистрирани 19.066 сообраќајни прекршоци.
Граѓаните сметаат дека системот “Сејф Сити веќе го ја зголеми сообраќајната култура и кај пешаците и кај возачите.
Веќе два месеци функционира системот “Безбеден град” откако е воведен, најголем број на прекршоци се за брзо возење.
Казните кои се изрекуваат се движат од 15 до 400 евра поради брзо возење над дозволеното.200 до 300 евра за поминување на црвено светло и се одзема возачка дозвола, а доколку е истечена регистрацијата казната е од 50 до 100 евра. Досега камери се поставени само во Скопје, Тетово и Куманово, а од МВР велат дека се очекува системот да се прошири на цела територија на државата во текот на оваа година.
