ПР стратегијата на СДСМ со истурање лаги пропаѓа. Еден по еден се нижат деманти за нивните обвинувања. Приказните дека Македонија банкротира, не прави реформи, ќе прима мигранти, блокирани ИПАРД фондови, тврдењата дека во Македонија немало реформи, паднаа како кула од карти.
Македонија работи на реформите, а токму тоа и го потврди и известителот Вајц. Изјавата која ја користеа социјалдемократите и со која манипулираа всушност е стара и не се однесува на сегашната состојба. Премиерот Мицкоски вели вели дека има уште десетина чекори кои треба да се направат до крајот на јуни. Вели некои од нив, нема да ги имплементираат иако се побарани од нас, бидејќи тоа би удрило врз џебот на граѓаните. Го посочи делот со струјата.
„Имаме десетина чекори кои треба да ги направиме до крајот на јуни, утре имаме координација за тие чекори, од тие 2-3 сигурно нема да ги направиме , бидејќи ако државата не испораќа електирчна енергија вие граѓаните ќе мора да плаќате за 30-40% поскапи сметки за струја. Таа од одма ќе ви кажам нема да ја испорачаме. Затоа што се субвенционира струјата и во Франција и во Германија , не можеме ние нашите граѓани да ги удираме по џебот затоа што некој не водел сметка кога ја формирал индикативната листа на реформи. Ние таа реформа нема да ја примениме. Работиме на подзаконските акти во министерството за енергетика за да стане законот за енергетика да биде функцинален. Работат во министерството за финансии на законски и подзаконски акти за колатералот итн.“ – вели премиерот Христијан Мицкоски.
Мицкоски цели дека им пропаднале на опозиционерите и обвинувањата изнесени на бројни прес конференции дека Македонија нема да има пристап до европските фондови и дека во април во земјава ќе дојдат десетина илјади мигранти.
„Велеа ИПАРД фондови – готово, нѐ блокирале, банкрот сме. Но, еве, самата Европска комисија излегува и вика: „Браво за Владата, реагираше брзо и во рамките на шест месеци го одблокираа процесот.“ Во рок од шест месеци поради брзата, експедитивна, робустна реакција на Владата, процесот е одблокиран. Исто, ја толкуваа и изјавата на Вајц „вака-така“. Излезе човекот вчера, многу јасно си пренесе тоа што има да каже и уште многу работи. Затоа предупредувам, секоја прес-конференција.“ – вели Мицкоски.
Мицкоски е уверен дека Владата точно знае што прави, кои се приоритетите и какви политики води.
