Вицепремиерот и министер за европски прашања Беким Сали денеска оствари средба со унгарскиот амбасадор во земјаtа Андраш Клајн, чиј фокус бил процесот на евроинтеграции.
– Министерот Сали се фокусира на процесот на евроинтеграции, со посебен акцент на забрзаната динамика на реформите и решителноста на Македонија да стане дел од Европската Унија. Тој ја истакна важноста на континуираната поддршка од земјите членки на ЕУ, особено од Унгарија, како значаен партнер во овој процес – стои во соопштението на Министерството за европски прашања.
Од своја страна, амбасадорот Клајн ја потврдил поддршката на Унгарија за европските аспирации на Македонија и изразил подготвеност за унапредување на билатералната соработка во области од заеднички интерес.
