Вештачката интелигенција ги променува од корен речиси сите индустрии, но и медицината. Во Македонија за среќа има млади доктори кои со својот ентузијазам се обидуваат да го подигнат нивото на македонското здравство – ова е заклучокот на лекарската фела и на здравствените власти кои беше презентиран на саемот за медицина во Скопје.
Лекарите се децидни дека вештачката интелегенција во здравството не може да ги замени лекрите. Иако се развива молскавично брзо, таа е далеку од безгрешна. Затоа задачата на докторите е да ги „уловат“ грешките.
Од Агенцијата за електронски комуникации велат дека драстичниот пад на лекари во светот се сериозна закана за јавното здравје. Затоа вештачката интелегенција треба да биде рака под рака со медицинскиот персонал.
“Многу истражувања покажуваат дека до 2030 година во светот ќе недостигаат околу 18 милиони здравствени работници од кои најмалку 5 милиони ќе бидат лекари.И јас во блиска иднина улогата на дигиталната трансформација особено на вештачката интелегенција ја гледам интегирана заедно со медицинскиот персонал и таа ќе даде дополнителна вредност” изјави Орце Симов,претседател на комисија на Агенцијата за електронски комуникации.
Дека дигитализацијата во здравството е еден од клучните столбови за унапредување на системот потврдува и министерот Азир Азлиу.
Македонија веќе има Национално координативно тело за Вештачка интелигенција под капата на Министерството за дигитална трансформација.
Проектот ќе има за цел да го поттикне развојот на македонски јазични модели, ќе ги поддржи здравството, енергетиката, јавната администрација и земјоделството.
Ања Лукарова
