„Розов пикник појадок“, настан организиран во партнерство помеѓу ХЕМА-ОНКО, здружение посветено на поддршка на пациентите со рак и нивните негуватели, и Medicus Help денеска ќе се одржи во Градскиот парк во Скопје кај Школка под слоганот: „Крилјата различни. Борбата лична. Поддршката заедничка“.
Главната цел на настанот, како што велат организаторите, е да им се оддаде признание и поддршка на жените кои живеат
со болеста рак на дојка и секојдневно храбро се соочуваат со нејзините предизвици.
-Сакаме да им покажеме дека не се сами, заедно сме посилни и можеме многу повеќе. Силни сме, кога сме заедно! Иако секоја борба е лична и единствена, таа станува полесна кога се споделува со некој што разбира и чекори по истиот пат.
„Розов пикник појадок“ има и важна мисија, да ја подигне свеста за значењето на редовните превентивни прегледи, препознавањето на симптомите и навременото откривање на ракот на дојка, прачуваат организаторите на настанот.
Настанот, како што посочуваат, е проследен со богата, инспиративна и емотивна програма, а добредојдени се сите – без разлика на возраст и пол – кои сакаат да дадат свој придонес кон оваа важна заедничка мисија.
-Заедно можеме да подигнеме свест, да дадеме поддршка и да направиме чекор кон помалку заболени и подобар квалитет на живот за оние кои се соочуваат со ракот на дојка, истакнуваат организаторите.
