Шест ипол години, СДСМ и ДУИ зборуваат за неопходноста од реформи во јавната администрација, со кои таа треба да стане достапна и секогаш – во функција на граѓаните.. Но, реформите, остана само на харија, во форма на предлог закони. Се до вчера, кога за министерот за информатичко општество и администрација, Азир Алиу, се проширија информации дека ќе поднесе оставка, доколку, пакетот закони од неговиот ресор, не бидат усвоени. И експресно, блокадата на пакетот европски закони беше тргната, и на веб-страницата на Собранието се појавија четири законски решенија, за седницата закажана за 30-ти јануари. Станува збор за законот за административни службеници; законот за стручно усовршување, и обука на административните службеници; законот – за вработените во јавниот сектор; и законот за безбедност – на мрежни, и информациски системи, и дигитална трансформација.
Но, меѓу нив не е, и законот за аудио и аудиовизуелни медиумски услуги кој го помина првото читање во собранието, но, со месеци е заглавен во Комисијата за европски прашања, со која претседава, Арбер Адеми од ДУИ. Законот, за аудио и аудиовизуелни медиумски услуги, кој има – и европско знаменце, треба да ја спречи пиратеријата на канали од регионот и други странски канали, со што, се прави директна штета на корисниците, но, и на телевизиите, и на кабелските оператори.
Со носење на овој закон, треба да се регулира и телевизискиот пазар, според комерцијални принципи. Ваквото законско решение, треба да помогне во унапредување на правата на медиумските работници. Со законот, за аудиовизуелни медиумски услуги, треба да се регулира и правото за емитување на кампањи од јавен интерес, особено, од областа на здравствената заштита. Останува, да почекаме до вторник и да видиме, дали и овој закон, ќе биде дел од пакетот кои веќе се закажани, или ќе продолжат игрите меѓу коалициските партнери од власта.
