Расте бројот на заболени со меланом односно рак на кожата, а истовремено се намалува старосната граница, најмладите пациенти имаат само по 24 и 25 години. Лекарите апелираат да се прават превентивни прегледи и да се проверува секоја сомнителна бемка.
„Пациентот не може да ги препознае раните знаци на меланом. Меланомот и голем дел од меланомите повеќе од 70 проценти се развиваат тоест на кожата излегуваат како новин лезии“, изјави др. Аџелка Илиева дерматолог.
Доколу меланомот се открие навреме, шансите за целосно излекување се огромни, но доколку се задоцни и се јават метастази прогнозите се застрашувачки.
Дерматолозите апелираат да се избегнува изложување на сонце и секогаш да се користи заштитен фактор, тоа е најдобрата превенција.
„За жал кај нас има доста пациенти кои работат во источниот дел на Македонија кои работат земјоделие и навистина се изложени на УВ зраци така да добиваат и немеланомни карциноми на кожа“, изјави др. Аџелка Илиева дерматолог.
Во Македонија секоја година се откриваат 200 до 300 случаи на меланом, а во светски рамки бројката надминува 300 илјади. Меланомот е релативно редок, но е најопасниот рак на кожа.