Директорот на Управата за извршување на санкциите Александар Пандов денеска одржа работен состанок со претседателката на Основниот суд Куманово Снежана Манев, судиите од кривичната област и директорот на Затвор Куманово, Оливер Цветковски, заменикот на затвор Куманово како и вработени во Управата за извршување на санкциите.
-За време на конструктивниот работен состанокот беше потенцирана важноста од поголема примена на пробацијата како една од најважните алатки за намалување на преполнетоста на казнено-поправните установи, пренесе Управата за извршување на санкции.
Присутните за време на состанокот потенцирале дека е надграден системот за електронски надзор кој може да има своја примена кај куќниот затвор и условниот отпуст.
