Исчезнатото лице, Диме Стојамиров (22), е пронајден жив и здрав, благодарение на ОВР Неготино и мештаните кои со часови неуморно трагаа по него, известија попладнево од Фејсбук-профилот посветен на неготинското село Тремник.
Момчето, кое има здравствена попреченост, беше исчезнато од вчера, околу 14 часот, а по него се водеше интензивна потрага.
„Диме е пронајден во добра состојба, во селото Дисан. Ни јавија луѓе од таму, и сега веќе е на пат кон дома – секој момент треба да го донесат. Не знаеме каде ја поминал ноќта и што точно се случило, но најважно е дека сè заврши добро. Штом ќе пристигне дома, ќе имаме повеќе информации. Изразуваме голема благодарност до полицијата, до сите жители кои доброволно се вклучија во потрагата и до сите кои ја споделија неговата фотографија“, изјави Симе, чичко на момчето.
