Со засилено темпо и видливи резултати денеска продолжија активностите на терен во рамки на еднонеделната акција за одржување на зеленилото во општина Чаир, што се реализира во соработка со ЈП „Паркови и зеленило“.
Како што информираат од Општина Чаир, акцијата е дел од континуираниот ангажман за зачувување на урбаната средина и јавните простори.
– Во оваа фаза се исчистени и уредени зелените површини долж улиците Никола Малешевски, Август Цесарец, Методија Митевски и Ферид Мурад, при што е извршено собирање на лисјата, отстранување на сезонски отпад и кроење на гранките. Акцијата започна во Топанско Поле – Мега Парк и ќе продолжи и во наредните денови на други зелени локации, со завршница во Паркот на Чаир, стои во соопштението.
