„Ќе ја убие мајка ми, ме тепаше и мене“ гласот на Катја се слушна во судница од аудио снимките од повиците кон 112 кои ги изведуваше обвинителството. Се презентираа и видео снимка од падот од балкон на Ивана до 6 годишното дете, која Стојанче Јовановски не сакаше да ја гледа и да слуша.
Претходно, се презентирааа аудио снимки од пријавувите и на соседите од 2024, до 2026 година, во кои биле пријавувани бучава, вресоци и плач на дете од станот каде што живееле, како и случаи кога Ивана барала помош на бројот 112, наведувајќи дека сопругот ја малтретира или дека не ѝ дозволува да влезе дома. Беше презентиран и фајл, во кој пријавител е мајката на Стојанче, Цветанка Јовановска, од 20 декември лани во кое цело време се слуша Катја како гласно плаче.
- „Во позадина се слуша плачењето на Катја што е толку гласно што Цветанка не се слуша што зборува. Катја силно плаче и вели „ќе ја убие мама“. На прашање на операторот што има таму, Цветанка одговара обид за убиство. Катја го засилува плачот и викањето и со силен глас вика „татко ми ќе ја убие мајка ми“. Цветанка пријавува дека детето е многу потресено и го зела детето со себе. Додава дека и детето е тепано, удирано. Катја низ плач вели „и мене ме удри и мене ме удри““– рече обвинителката.
Ивана три пати пријавувала и на втори март годинава неколку часа пред самоубиството. Во вториоТ повик се слуша расправија и викање меѓу Ивана и Стојанче. Ивана постојано се правда и вика, „не те местам“ и „зошто ми се закануваш“, а во позадина се слушаат и ударите, рече обвинителката. Во третиот повик пак околу пладне на 192 и кажува дека сака да пријави семејно насилство..
- „Таа почнува да вика „престани да ме удираш, престани да ме удираш“. Стојанче уште погласно вика „не лажи“. Ивана за цело време се брани „дали јас те имам наместено, дали ти реков дека Мартин те има наместено, немам кажано такво нешто. Сѐ што имаш направено си имаш направено сам“… Ѝ вика на Ивана, „ниту Катја ќе ја видиш, ништо нема да видиш. Ако сакаш пријави ме, кај сакаш иди. Ќе лежам во затвор, ќе излезам“. Потоа ѝ вели „подобро убиј ме“. И пак го повторува истото. Потоа ѝ вели „друго немаш избор, памти ми го ова““ – рече обвинителката.
Во еден момент додека се презентираше снимката обвинетиот Стојанче рече во судницата „Мартин е ова“, по што судијата го опомена дека ќе го отстрани од судницата. Последниот прикажан фајл во судницата е од критичниот ден кога Стојанче бара да се викне брза помош, откако Ивана и Катја паѓаат од терасата.
Се слушна една снимка во која Стојанче ја пријавува жената дека го тепа и тврди дека тоа се случувало и претходно. Јовановски се товари за телесна повреда, загрозување на сигурноста и наведување на самоубиство, поврзано со трагедијата од март годинава, кога Ивана Јовановска скокна од шести кат во Тафталиџе, при што животот го загуби и нивното шестгодишно дете.
