Градоначалникот Тони Коњановски приреди прием за актерите учесници на Интернационалниот фестивал на монодрама кој деновиве се одржува во Битола.
За време на приемот, градоначалникот Коњановски беше информиран од директорот на НУ Центар за култура Сашо Илковски за текот на фестивалот и фестивалските новини, а гостите на фестивалот споделија импресии од престојот во Битола.
Како што е познато, годинава на Интернационалниот фестивал на монодрама учествуваат актерки и актери од Европа и Египет.
Натпреварувачкиот дел завршува вечер, а свеченото затворање е закажано за утревечер кога ќе биде доделена наградата Гран при и други фестивалски награди и признанија.
