Министерството за внатрешни работи ја потврдува информацијата за претресот во Општина Кочани, но засега нема официјално соопштение од Обвинителството дали нивни обвинители се вклучени во акцијата. Претставници од надлежните институции се наоѓаат во зградата на општината, каде што се подигнува документација поврзана со надлежностите на општинската администрација за дозволите и функционирањето на дискотеката „Пулс“.
Во пожарот кој изби рано утринава во неделата во дискотеката „Пулс“ во Кочани, загинаа 59 лица, а повеќе од 150 се повредени. Меѓу загинатите се и членовите на бендот „ДНК“, кои настапувале таа вечер.
