Голем пожар избувна во магацин на „Македонски железници – Транспорт“ во скопска Кисела вода. Во депото се чувале стари и неисправни вагони.
Пожарот избувнал ноќеска по 1 часот, а пожарникарите утринава успеале да го изгаснат огнот. На терен е и полицијата, се прегледуваат надзорните камери, за да се утврди што точно се случило и како настанал пожарот.
Засега нема информации за настрадани или повредени. Според првичните информации причинета е материјална штета, која дополнително ќе се утврдува од надлежните.
