Траумите и последиците од трагедијата во Кочани сè уште бараат третмани за закрепнување на преживеаните и на семејствата што изгубија блиски луѓе и деца. Добри вести се тоа што веќе шеесет пациенти со лузни од изгореници го завршија вториот циклус од ласерскиот третман на Клиниката за дерматологија, кој се спроведува од ноември 2025 година.
Според лекарите, терапијата дава охрабрувачки резултати, а во зависност од состојбата, пациентите може да имаат потреба од седум до осум циклуси. Дел од лузните веќе покажуваат значително подобрување, со што се зголемува можноста да се избегнат дополнителни хируршки зафати.
Паралелно со физичкото закрепнување, стручњаците предупредуваат и на психолошките последици. Кај една третина од пациентите е забележана анксиозност како резултат на преживеаната траума.
