– Подземната гаража под Плоштадот „Гоце Делчев“ во Струмица се пренаменува за зонско паркирање, соопштија од Општината.
Од ЈП „Паркиралишта“, пак, информираа дека со промената, рампите на влезот и излезот се ставаат надвор од функција за да се овозможи побрз и поедноставен пристап, а наплатата и контролата ќе се вршат согласно правилата за зонско паркирање. Работното време е секој ден од 07:00 до 00:00 часот, а цената е 50 денари за секој започнат час.
– Целта на новата организација е поефикасно и подобро искористување на просторот. Апелираме до возачите да ја почитуваат поставената сигнализација, информираа од ЈП „Паркиралишта“.
Инаку, денеска екипи на ЈП „Паркиралишта Струмица“, заедно со ТППЕ Струмица, извршија генерално чистење на паркинг просторот во подземната гаража. Таа е целосно осветлена со што значително се подобрува видливоста и безбедноста за сите корисници. Дополнително целосно е ставен во функција и системот за видео надзор со што се овозможува поголема безбедност и подобра контрола на просторот.
