Реклама

15-годишниот светски првак Марко Џорлев е најмладиот добитник на наградата „8 Ноември“ во Штип

12 милиони денари долг во охридскиот студентски дом, ревизија и целосна реконструкција како спас за „Никола Карев“

Протест заради протест, триесетина присутни на протестот на Независниот синдикат на професионални војници

Прилепските пензионери и корисници на социјална помош денеска организирано во битолската Алта банка ги подигаа своите пари

Доверба во банкарскиот систем: граѓаните остануваат верни на банките во кои чуваат пари

По Гоце Делчев, Софија тргна да го бугаризира и Даме Груев

Извештајот на ЕК е јасен: Македонија одлична во реформите, проблемот е „наследството“ од СДСМ и ДУИ преточено во Бугари во Устав

Меѓу лидерите во реформите, блокирани кон ЕУ поради уставните измени прифатени од СДСМ и ДУИ

Над 500 пензионери подигнале пари од Алта банка, денеска исплата на социјална помош

Двајца во притвор, еден во ќукен, еден во бегство по вчерашната полициска акција во Куманово

Владата бара купувач за Алта банка – Мицкоски тврди дека банката е во одлична финансиска кондиција

Историски најголема разлика помеѓу извозот и увозот, во државата влегуваат повеќе девизи

Македонија

Поднесени обвиненија за поткуп и злоупотреби при даночните контроли на „Пулс“ и поврзаните фирми

Основното јавно обвинителство Кочани поднесе обвинителен акт против три лица и обвинителен…

Сподели:
Фото: Алфа Вести

Основното јавно обвинителство Кочани поднесе обвинителен акт против три лица и обвинителен предлог против шест лица за поткуп, злоупотреба на службената положба, одавање службена тајна и фалсификување, во врска со контролите на Управата за јавни приходи во дискотеката „Пулс“ во Кочани и во други поврзани фирми.

Државното Јавно обвинителство соопшти дека обвинителен акт за кривично дело примање поткуп е поднесен против двајца даночни контролори, од кои, како што наведува, еден е обвинет за две вакви дејства. Тие од третото лице, обвинето за кривично дело давање поткуп, побарале и примиле очила и рачен часовник, со цел да го информираат за ненајавени вонредни контроли во фирмите во кои тој бил одговорно лице.

– Иако биле свесни дека во согласност со законот не смее да одаваат информации што ги спознале во врска со даночната постапка, првиот обвинет сепак го информирал третиот обвинет преку вибер-пораки за дејствата на УЈП и МВР во врска со наведените фирми правејќи со тоа и продолжено кривично дело – одавање службена тајна од член 360 од Кривичниот законик. Двајцата даночни контролори се обвинети и за злоупотреба на службената положба и овластувањето бидејќи при извршена контрола во правниот субјект, во кој одговорно лице бил третиот обвинет, на 6 март 2024 година утврдиле даночни неправилности и нерегистриран промет, но во записникот не ја внеле откриената незаконитост. Со ова на буџетот му нанеле шета од 98.400 денари, кои останале како ненаплатена глоба кај прекршителот – информира Обвинителството. 

Реклама

Со цел да ги покрие незаконитостите утврдени при контролата, вториот обвинет сторил и кривично дело фалсификување службена исправа, односно го фалсификувал службениот извештај за контролата.

– Против дополнителни четворица даночни контролори и инспектори до судот е поднесен обвинителен предлог за кривично дело злоупотреба на службената положба и овластувањето. Од нив еден е обвинет и за фалсификување исправа. Дополнително, една вработена во Државниот пазарен инспекторат сторила дело одавање службена тајна откривајќи информации кога ќе се реализираат акциските контроли. Обвинетите контролори и инспектори од УЈП вршеле даночни контроли кај правни субјекти во кои како реален сопственик се јавува шестиот обвинет, татко на лицето претходно обвинето за давање поткуп. Меѓутоа, констатираните неправилности не ги евидентирале и фалсификувале извештаи за извршените надзори. Со тоа на фирмите не им се наплаќале законски предвидените глоби. Во дејствата на злоупотреба им помогнал и самиот реален сопственик, кој е шести обвинет во случајот – соопшти ЈОРСМ.

Кривичната пријава за злоупотреба на службената положба, се додава во соопштението, опфаќаше уште четири лица, „од кои за две е запрена постапката поради застареност, а за две се утврди дека немаат дејства на наведеното дело или на друго дело што се гони по службена должност“.