Почнува изградбата на интерконекторот со Грција. Во министерството за енергетика беше потпишан договорот со избраниот изведувач Рапид Билд. Овој договор се случува по повторното распишување тендер откако минатата година беше стопиран проектот од ЕИБ , по што од банката која дадоа совет до македонските власти да се распише нов тендер.
Сега избраната Рапид Билд понудила најниска цена од 59,9 милиони евра, што била за 12 милиони евра пониска од претходно. Проектот предвидува 68 киломентри модерна инфраструктура, а со изградбата на интерконекторот која се очекува да заврши во 2027 година, Македонија ќе има можност да се снабдува и со природен гас од терминалите во Ревитуса и Александруполи, односно ќе се намали зависноста од само еден извор. Моментално конекција имаме само преку Бугарија.
Со потпишувањето на договорот за изградба на македонскиот дел од гасниот интерконектор со Грција, го означуваме почетокот на најголемата енергетска инвестиција во Македонија во изминатите десет години. Овој интерконектор е доказ дека кога постои политичка волја, регионална доверба и професионална посветеност – резултатите се реални и опипливи, рече Министерката Божиновска.
Избраната компанија е единствената македонска која била пријавена на јавниот повик. Од Рапид Билд уверуваат дека ги имаат сите потребни капацитети и имаат огромно искуство во изградба на магистрални гасоводи и ќе се работи максимално посветено и квалитетно да се заврши навремено. Новиот изведувач е избран за само 9 месеци откако и се формираше министерството за енергетика по смената на власта
Нашето досегашно искуство вклучува успешно реализирани проекти и надвор од границите на земјата, што е потврда за нашата сериозност, професионалност и способност да ги испочитуваме сите поставени рокови и стандарди,“ изјави Каранфиловски.
„Ова е историски проект што не само што го поврзува нашиот енергетски систем со Грција, туку ни овозможува пристап до европските пазари на енергија. Благодарност до сите партнери за довербата и соработката.“ – рече Мухамед Елмази, извршен директор на НОМАГАС АД Скопје
Од Европската инвестициска банка кои се финансиери на проектот велат дека ова не само што ќе ја поддржи диверзификацијата туку и ќе ја интегрира Македонија на европскиот пазар.
Инаку, Вкупната должина на целиот гасовод е 123 километри и тој треба да се протега од Неа Месимвриа кон Неготино преку Гевгелија и да ги поврзува двата национални системи за пренос на природен гас. Македонскиот дел од гасоводот треба да се поврзе со грчка страна каде стартуваше изградбата пред неколку месеци .Почетниот капацитет ќе биде 1,5 милијарди кубни метри годишно, со можност за проширување до три милијарди кубни метри годишно, а се спроведени и студии со цел гасоводот да има соодветни спецификации за транспорт на зелен водород.
